Кәсіпкерлік көкжиегі кеңеюде

Меркі ауданында қазіргі таңда шағын және орта кәсіпкерлік саласының дамуы айтарлықтай. Атап айтқанда, осы жылдың 1 қазанына Меркі ауданында жұмыс істеп тұрған шағын және орта субъектілерінің саны 4901, оның 1646-ы шаруа немесе фермер қожалықтары, 3021-і жеке кәсіпкерлер, 234 шағын және орта кәсіпкерліктегі заңды тұлғалар тіркелген. ҚР индустриялды-инновациялық дамуының 2015-2019 жылдарға арналған Мемлекеттік бағдарламасы аясында, ауданда Кәсіпкерлік қолдау картасы бойынша, жалпы құны 1 миллиард 712,2 миллион теңгені құрайтын 2 инвестициялық жоба жүзеге асырылды және 38 жаңа жұмыс орындар ашылды.

Сонымен қатар «Бизнестің жол картасы – 2020» бағдарламасы аясында несиенің пайыздық ставкасын субсидиялау бойынша Басқарма тарапынан жалпы сомасы 49 миллион теңгені құрайтын жобаларды іске асыру бекітілген.  Бүгінгі таңға жалпы сомасы 192,7 миллион теңгені құрайтын 5 жоба Тараз қаласындағы екінші деңгейлі банк тарапынан мақұлданды. Осыған байланысты бекітілген меже жыл қорытындысы бойынша артығымен орындалды. Жастар жылына орай «Бизнестің жол картасы – 2020» бағдарламасының қайтарымсыз мемлекеттік грант беру тетігі бойынша 18-29 жас аралығында өткізілген конкурсқа ауданнан жалпы сомасы 76,1 миллион теңгені құрайтын 27 жоба ұсынылып, оның ішінде 10 жоба жеңімпаз атанып бизнес жоспарларын іске асыруда.

Пікір білдіріңіз

Your email address will not be published.