Бақылау қызметінің бір күні
Қай елдің азаматы болса да, оған қоғам үшін қалтқысыз қызмет етіп, еліміздің тыныштығын қорғау абыройлы қызмет. Бұл орайда қырағы сақшылардың еңбегі ұшан-теңіз. Олар үшін әуелден-ақ темірдей тәртіп пен сақшы қызметі бұлжымас қағидаға айналған. Ал сертке беріктік пен антқа адалдық бұл қызметтің кредосы екені сөзсіз. Осы орайда, Жамбыл облысы бойынша ҚАЖ департаментіне қарасты ЖД-158/5 мекемесі бақылау қызмет бөлімінің жұмысы туралы айтсақ дейміз.
Жалпы, бұл бөлімнің басты қызметі — жазасын өтеуші сотталғандар арасында қылмыстық және әкімшілік құқықбұзушылықтың алдын алу, олардың мінез-құлқына бақылау жасау сондай-ақ сотталған азаматтардың тұрғын үй жайларына тінту, тексеру жұмыстарын жүргізу болып табылады. Сонымен қатар, осы бөлімнің бақылаушы қызметкерлері мекеме аумағына кіріп шыққан азаматтарды да тексеру жұмыстарын жүргізеді.
Айта кетейік, бақылау қызметі бөліміне тәулік сайын 6 адам түседі. Аталған 6 бақылаушы тәулік бойы қырағы қызмет атқарады. Сақшылар қызметті ауысым бойынша орындайды. Әр ауысым арасындағы уақыт аралығы 24 сағат.
Тағы бір айта кетерлігі, бақылау қызметі бүгінгі заман талабына сай толық бейнебақылаумен жабдықталған. Бұл бір жағынан, қызметті мүлтіксіз орындауға жақсы мүмкіндік жасаса, екіншіден, басшы құрамға бақылау жүргізуге де ыңғайлы әрі тиімді. Бақылаушы құрамның қырағы қызметтерінің арқасында аталған түзеу мекемесінде тәртіп бұзушылықтар мен құқық бұзушылықтарға жол берілген емес.
Бахтияр Махатов,
ЖД-158/5 мекемесі бақылау қызметі бөлімінің бастығы, әділет аға лейтенанты