Сапалы медициналық көмек алды

37

Қазақстан Республикасының Ата заңында мемлекеттің ең қымбат капиталы – оның азаматтары екені тайға таңба басқандай анық жазылған. Бұл мақсатта, ел тұрғындарының денсаулығын сақтау, сапалы медициналық көмек көрсету мақсатында кешенді жұмыстар жүргізілуде. Бұл қатардан түзеу мекемелерінде жазасын өтеп жатқан жандар да шет қалып жатқан жоқ.

Мәселен, күні кеше Жамбыл облысы бойынша Қылмыстық-атқару жүйесі департаменті ЖД-158/2 мекемесінде сотталған азаматтардың денсаулығын тексеру мақсатында ауқымды шара өткізілді.

Ауқымды шараның өтуіне мекеме бастығы, әділет подполковнигі Ерлан Оразгелдиев пен медициналық бөлімнің бастығы, әділет капитаны Гүлшат Медетбекова ұйытқы болды.

Осылайша, мекемеге Тараз  қалалық №4 емханасынан  невропатолог-дәрігер Н. Пашаев, кардиолог-дәрігер Ф. Камалқызы,  уролог-дәрігер Р. Мендубаев, хирург  Марат Әубәкірұлы және отоларинголог Зере Хусаинқызы келген болатын.

Денсаулық сақтау саласының мамандары өз сапары барысында мекемеде жазасын өтеп жатқан азаматтарды жеке қабылдап, сотталғандардың барлығына қосымша медициналық көмек көрсетті.

Пікір білдіріңіз

Your email address will not be published.