Дүниежүзілік үкіметтік емес ұйымдар күніне арналған «дөңгелек үстел» отырысы өтті

Тараз қаласындағы «Руханият және тарихтану» орталығында Жамбыл облысы әкімдігінің ақпарат және қоғамдық даму басқармасы мен Жамбыл облысы Азаматтық Альянстың ұйымдастыруымен 27 ақпан — Дүниежүзілік үкіметтік емес ұйымдар күніне арналған «дөңгелек үстел» отырысы өтті.

Басқосуға Жамбыл облысы әкімінің орынбасары Серік Сәлемов, облыстық үкіметтік емес ұйымдардың, Адам құқықтары жөніндегі уәкілдің Жамбыл облысы бойынша өкілінің және тағы басқа қонақтар қатысты.

Отырыс барысында өңірдің әлеуметтік дамуына қосқан үлесі үшін және қоғамдық-саяси өмірде белсенділік танытып жүрген ҮЕҰ өкілдері марапатталып, өңірдің өзекті мәселелері талқыланды.