Арнайы кітапханада «Ұрпаққа ұран болған Ұлы Жеңіс» байқауы өтті

Жамбыл облыстық көзі көрмейтін және әлсіз көретін азаматтар кітапханасында «Ұрпаққа ұран болған Ұлы Жеңіс» тақырыбындағы республикалық байқаудың облыстық деңгейі өтті. Ұлы Отан Соғысының 80 жылдығына орай «Қазақ Соқырлар қоғамы» Жамбыл облыстық филиалының ұйымдастырған шараға Жамбыл облысы аудандарынан келген үміткерлер қатысты.

Аталған байқаудың ережесіне сәйкес, Т. Рысқұлов, Байзақ аудандары және Тараз қаласының өнерпаздары белгілі жазушы, ұлы Отан соғысының даңқты жауынгері, Халық қаһарманы, қазақтың батыр ұлы Бауыржан Момышұлы турасында театрландырылған көріністер сахналады.

Аймақ өнерпаздарына  А. Тоқпанов атындағы қазақ драма театрының ардагер актрисасы, Мемлекеттік сыйлықтың лауреаты, Қазақстан Республикасының мәдениет қайраткері Нүрсипат Салықова, Өңдірістік оқу орталығының директоры Гүлнұр Нұрмашева және Жамбыл облыстық көзі көрмейтін және әлсіз көретін азаматтар кітапханасы директорының орынбасары Толқын Күзенова қазылық етті.

Жарыс қорытындысы бойынша байқаудың республикалық кезеңіне Тараз қаласының өнерпаздары жолдама алды. Т. Рысқұлов және Байзақ ауданының өнерпаздары және басқада қатысушылар «Алғыс хат» және ақшалай сыйлықпен марапатталды.