Құрметті облыс тұрғындары мен қонақтары!

Құрметті облыс тұрғындары мен қонақтары!
Біздің аймақ – көптеген этнос өкілдері тату-тәтті өмір сүріп, еңбек етіп жатқан құтты мекен. Этносаралық келісім мен қоғамдық тұрақтылық — мемлекетіміздің дамуының кепілі және әрбір азаматтың басты міндеті.
🔎 Қазақстан Республикасының Қылмыстық кодексіне сәйкес:
🚨 174-бап. Әлеуметтiк, ұлттық, рулық, нәсiлдiк, тектік-топтық немесе дiни алауыздықты қоздыру: Бұл бап бойынша ұлттық ар-намысты және қадір-қасиетті қорлау, азаматтардың айрықшалығын немесе толыққанды еместігін насихаттау — 2 жылдан 7 жылға дейін бас бостандығынан айыруға (немесе шектеуге) әкеп соғады. Егер бұл әрекеттер жария немесе БАҚ, телекоммуникация желілері арқылы жасалса, жаза күшейеді.
🚨 180-бап. Сепаратистік әрекет: Қазақстан Республикасының тұтастығын бұзуға, аумағының қолсұғылмаушылығын және бөлінбестігін өзгертуге бағытталған іс-әрекеттер немесе оған жария түрде шақыру — 10 жылға дейін бас бостандығынан айырумен жазаланады.
⚖️ Есіңізде болсын: сіздің әлеуметтік желілердегі пікірлеріңіз, репосттарыңыз және лайктарыңыз үшін де заң алдында жауаптысыз.
Біз сіздерді арандатушылыққа ермеуге, тек ресми ақпаратқа сенуге және бір-бірімізге сыйластықпен қарауға шақырамыз. Бірлігімізді бұзуға бағытталған кез келген әрекетке бірге тосқауыл қояйық!
БІЗДІҢ КҮШІМІЗ – БІРЛІКТЕ!