Зағип оқырмандар «izi.TRAVEL» жобасы аясында Тараз қаласының киелі жерлерін аралады

Жамбыл облыстық көзі көрмейтін және әлсіз көретін азаматтар кітапханасының ұйымдастыруымен зағип оқырмандарға «izi.TRAVEL» жобасы аясында «Орта ғасырлар мұрасы: Тараз өңіріндегі үш бірдей рухани ескерткіш» Айша бибі Қарахан, Тектұрмас кесенелеріне саяхат жасады.

«izi.TRAVEL» жобасы «Қазақ зағиптар қоғамы» қоғамдық бірлестігінің мүшелері еріктілермен «Ақ СҰҢҚАР» жастар қоғамдық бірлестігінің төрағасы Әбдиев Еркін Қайырбекұлының демеушілігімен өтті.

Шара барысында Айша бибі мен Қарахан, Тектұрмас кесенелеріне «izi.TRAVEL» ақпараттық аудио нұсқаулық қосымшасын ұялы телефондарына жүктеу арқылы кітапхана оқырмандары тарихи орындардан толығымен ақпараттарды ала отырып, тарихымен толығырақ танысты.

Бұл жоба зағип оқырмандарға қалалармен ескерткіштерге мобильді аудио гид қызметін ұсынады және оқырмандар бай өңіріміздің киелі қасиетті кесенелері мен қалаларына баруды өз бетінше қызықты және әсерлі етіп өткізуге көмегі болады. Бүгінгі таңда «izi.TRAVEL» жобасына 39 нысан салынып, қазақ, орыс және ағылшын тілдерінде ақпарат береді.

Жобаның мақсаты зағип азаматтардың қоғамдық ортада өздерін еркін ұстау, орта ғасырлық тарихи нысандармен таныстыру үшін гидтің көмегінсіз ұялы телефон арқылы ақпаратқа қол жеткізу.