“Қамал” оқу-жаттығуы өткізілді

Қызметкерлердің төтенше жағдайлар кезіндегі іс-қимылдарға дайындығын арттыру, қауіпсіздік талаптарының сақталуын қамтамасыз ету және жеке құрамның үйлесімді әрекеттерін жетілдіру мақсатында №67 мекемесінде жоспарлы “Қамал” оқу-жаттығуы өткізілді.

Оқу-жаттығу барысында шартты түрде дабыл сигналы беріліп, жеке құрам белгіленген тәртіпке сәйкес жедел әрекет етті. Қызметкерлердің төтенше жағдай кезіндегі іс-қимыл алгоритмдері, хабарлау жүйесінің жұмысы, қауіпсіздік шаралары мен эвакуациялау тәртібі іс жүзінде пысықталды.

Іс-шара барысында қызметкерлер жоғары жауапкершілік пен ұйымшылдық танытып, қойылған міндеттерді толық көлемде орындады. Оқу-жаттығудың негізгі мақсаты – төтенше жағдайлар туындаған жағдайда жеке құрамның кәсіби даярлығын арттыру, жедел шешім қабылдау қабілетін жетілдіру және қауіпсіздік мәдениетін нығайту.

№67 мекемесінде қызметкерлердің қауіпсіздігін қамтамасыз ету және төтенше жағдайлардың алдын алу бағытындағы жұмыстар тұрақты түрде жүргізілуде. Осындай оқу-жаттығулар алдағы уақытта да жоспарға сәйкес өткізіліп, жеке құрамның дайындық деңгейін одан әрі жетілдіруге ықпал ететін болады.