Ақтаулық ғалымдар электромобильді қуаттайтын станса жасақтады
Yessenov University ғалымдары жасақтаған электр қуаттағыш станса оқу ордасының бас корпусына қойылды. Ол бүкіл халыққа қолжетімді болады.
Бүгін ресми түрде бекеттің ашылу салтанатты өтті. Шараға ҚР Білім және ғылым министрлігінің Жауапты хатшысы Арын Орсариев, 2007 жылғы Нобель сыйлығының лауреаты Раджендра Кумар Пачаури, Путра Малайзия университетінің Компьютерлік ғылымдар және ақпараттық технологиялар факультетінің профессоры Мохамед Бин Отман, Yessenov University ұжымы мен студенттері қатысты.
Екі стансаның толық зарядтау циклы үш сағатты құрайды. Күніне 8 көлікті толтыруға қуаты жетеді. Бұған дейін электромобильдер университеттің ішкі пайдалануы үшін сатып алынған болатын.