Сыбайластық бойынша жергілікті атқарушы органдар көш бастап тұр

Бүгін бұл туралы Өңірлік коммуникациялар қызметінде ҚР Сыбайлас жемқорлыққа қарсы іс-қимыл агенттігінің Жамбыл облысы бойынша департаментінің басшысы Әділхан Әшірбаев айтты.

Ағымдағы жылдың 9 айында мемлекеттік органдар арасында сыбайлас жемқорлық сипатында жасалынған қылмыстардың саны бойынша жергілікті атқарушы органдар көш бастап тұр. Жергілікті атқарушы органдардың лауазымды тұлғаларына қатысты 53 (2018 – 34) қылмыстық іс тіркелген (салалар бойынша: білім – 18, ауыл шаруашылығы – 8, мәдениет және спорт – 6, денсаулық сақтау – 5, құрылыс – 5, жер қатынастары – 4, тұрғын-үй коммуналдық шаруашылығы – 3, әлеуметтік қамсыздандыру – 1 және т.б.), одан кейін, ішкі істер органдарының қызметкерлері – 17 (2018 – 16), арнайы мемлекеттік органдардың қызметкерлері – 6 (2018 – 0), әскери шенділер – 4 (2018 – 12), қаржы министрлігінің құрылымдық бөлімшелерінің қызметкерлері – 4 (2018 – 16), экономикалық тергеу қызметінің қызметкерлері – 2 (2018 – 0) және т.б.
Сонымен қатар, спикердің айтуынша өңірдегі сыбайлас жемқорлық сипатындағы қылмыстардың санының өсуі, азаматтардың Агенттікке деген сенімінің артуымен және қоғамның жемқорлыққа қарсы тұру деңгейінің жоғарлауымен байланыстырды.