Тараздықтар параспортшы, жүзуден халықаралық санаттағы спорт шебері Зүлфия Ғабидуллинаны күтіп алды.
Жерлесіміз Индонезияның Жакарта қаласында өтіп жатқан ІІІ Пара Азия ойындарында 100 метрге еркін жүзуден алтын медаль иеленген болатын.
– Жеңіске жету оңай емес. Қиындықтардың бәрі артта қалды… Аянбай тер төгіп, еңбек етудің арқасында осындай жеңіске қол жеткіздім. Әр жарысқа аттанған сайын елдің, халықтың саған үміт артып қарап отыратынын сезесің, сол үмітті ақтауға тырысасың. Инстаграммга жазып қолдау көрсетіп жатады. Сол кезде аздап қорқыныш болатын. Халықтың сенімін ақтау – үлкен жауапкершілік, – дейді Зүлфия Ғабидуллина.
Айта кетейік, Зүлфия Ғабидуллина 2016 жылы Рио-де-Жанейрода өткен Паралимпиада ойындарында тәуелсіз Қазақстанның паралимпиада тарихындағы алғашқы алтын медалін иеленген болатын.